Carlos Mouriño, novo presidente do Celta, fixo a súa chegada á sede de Praza de España contra as oito da tarde para inaugurar un novo ciclo en casa Celta.
Horacio Gómez deixa o Celta 11 anos despois de exercer coma presidente. Na súa andaina como máximo mandatario do clube, o Celta acadou os seus maiores éxitos deportivos da historia. Colleu un clube cun pé na segunda B por unha ameaza de descenso administrativo, e pouco despois clasificouse para a UEFA tras case tres décadas de ausencia.
Horacio deixa ao Celta cunha débeda das máis baixas da primeira división e co equipo clasificado para xogar de novo competición europea.
Podemos falar de FonteCelta, de Regina Viarum, das viñas, do PP, pero coido que hoxe toca falar de éxitos, e iso, a Horacio, non se lle pode negar. Mágoa que non cumprise o seu soño de conseguir un novo estadio para Vigo e para o Celta.
Así a todo, Horacio, Grazas.
Esperemos que nos deixes a Mouriño ben ensinado.